Vjeshta ndryshe e 2020-ës!

 

               

E premtja është dita për një shkrim të ri në blog 🙂

Periudha e këndshme e verës ka përfunduar.Koha e pushimeve pranë detit dhe ditëve të gjata me diell i përket tashmë stinës që lamë pas.Në vazhdim na presin peizazhet më gjethet e kafenjta dhe shirat.

Ardhja e shtatorit dhe vjeshtës sjellin një periudhë tjetër plot ndryshime të vitit.Vjeshta e 2020-ës do të jetë ndryshe, për shkak të pandemisë dhe kufizimeve.Ndërkohë që vazhdojmë përditshmërinë dhe stina vijon, ky shkrim ju sjell disa nga veçantitë e vjeshtës së këtij viti: 

Maskat, dorezat dhe dezinfektuesit e ndryshëm janë mjetet që do të na duhen me patjetër.Vjeshta në kohë pandemie është e vështirë, por duke zbatuar rregullat e kujdesit situata mund të vazhdojnë e qetë.

Java e dytë e shtatorit përkoi me fillimin e shkollës.Rikthimi i nxënësve, pas një shkëputjeje që nga marsi, i dha qytetit më shumë gjallëri.

Shtatori përkon edhe me rifillimin e sesionit të ri parlamentar.Në ditët e para të diskutimeve në Kuvend, ndër temat kryesore janë: hapja e listave, zgjedhja e anëtarëve të rinj të KQZ-së dhe debatet për zgjedhjet.

Në lidhje me trendet e modës, në vjeshtën e 2020-ës do të mbizotërojnë copat metalike, jelekët me motive romb dhe çdo lloj veshjeje lëkure.Mbizotërojnë çizmet e gjata, këpucët e thjeshta prej lëkure dhe bizhutëritë e mëdha.

Koha e vjeshtës është e përshtatshme për t`iu rikthyer përgatitjeve të ëmbla me fruta.Një recetë e thjeshtë dhe e shijshme për vjeshtë është tarta me mollë. 

Sa i përket kushteve të motit gjatë kësaj vjeshte, fillimi i stinës do të shoqërohet me temperatura të larta në pjesën më të madhe të Europës.Sipas parashikimeve, në pjesën e dytë të vjeshtës pritet të ketë stuhi ere, shira dhe masa ajri të ftohta.

#notesofiris   ✍️