Gjuha jonë 🇦🇱

Data 21 Shkurt është Dita Botërore e Gjuhës Amtare.E përcaktuar më 17 nëntor 1999 nga UNESCO, kjo datë shërben si kujtuese për ruajtjen e rëndësisë dhe vlerave të gjuhës.Në rastin tonë,për ne shqiptarët gjuha jonë shqipe është e shenjtë.Gjuha shqipe është përcjellë brez pas brezi, në kohë lufte e në kohë paqeje.Nëpërmjet përpjekjeve të bëra ndër shekuj u bë e mundur që gjuha shqipe të flitet kudo ku jetojnë shqiptarët.

Gjuha shqipe, e familjes së gjuhëvë indo-europiane, me dialekte e histori të hershme po merr forma të reja herë pas here. Për shkak të ndikimit të mediave, internetit dhe lëvizjes së lirë, gjuha shqipe po rrezikohet edhe nga përdorimi  i shkurtimeve, fjalëve të huaja, etj.Kjo gjë vihet re nga të gjithë ne në fjalitë tona, mesazhet e ndryshme ose në të folurën e përditshmë.Sigurisht që ky fenomen ndodh edhe me gjuhët e tjera që fliten në Ballkan.

Gjuha është një nga mjetet më të fuqishme të një shteti dhe të një populli.Dita e sotme duhet të shërbeje për secilin prëj nesh për të kujtuar të pëedorurit të gjuhës sonë në trajtën normale dhe dhënien e vëmendjes që meriton.Prandaj edhe nëpërmjet shkrimit të sotëm vjen mesazhi  i  përcjellë ndër shekuj se duhet të duam gjuhën tonë dhe të jemi krenarë për të sot dhe në vazhdim.

i❤🇦🇱