Somnium 🌌

Përshëndetje!!! E premtja është dita për një shkrim të ri në blog.

Ëndrrat janë padyshim një pjesë misterioze e gjumit, janë përjetim i pamjeve, tingujve, etj., gjatë të fjeturit.Pavarësisht shpështësisë së shikimit të ëndrrave, gjithmonë jemi kuriozë që të nesërmen të mësojmë mbi domethënien e ëndrrës/ave që kemi parë.Kështu ndodh gjithmonë…

Në këtë shkrim vjen koncepti i ëndrrave përtej shpjegimeve shkencore.Ëndrrat gjithmonë janë trajtuar nga shkrimtarë e poetë, nga piktorë e regjizorë, si manifestime të së pandërgjegjshmes.Duket sikur ëndrrat janë pjesa e fshehur e jona, që shfaqet në një moment të caktuar vetëm për ne dhe trazojnë qoftë edhe për disa sekonda mendjen tonë.

“Maskimi” i shumë mendimeve dhe ideve tona nëpërmjet shenjave dhe situatave të ndryshme jo pak herë na mundon.Nësë është e vërtetë që ëndrrat “aktivizojnë” të pashfaqurën brenda nesh, atëherë përse duhet të mos u japim rëndësi? Ose e kundërta.Mos ndoshta na tremb ideja se në endrra vetvetja është më reale seç duhet?

E parë nga një ide tjetër: ëndrrat si një kuti imagjinate.Me të vërtetë e pabesueshme se si mendja e njeriut arrin të prodhojë një sërë formash, vendesh, njerëzish të panjohur dhe t`i bashkojë në disa minuta.Sigurisht që, nëpërmjet tyre kemi plot histori gazmore për të treguar.