Intuita

E premte dhe një tjetër shkrim në blog :)

Intuita është aftësia e të njohurit por pa ditur pse-në.Fjala vjen nga latinishtja intueri dhe do të thotë  të perceptosh drejtpërdrejt pa arsyetim.Është një term shumë i studiuar nga filozofët lindorë e perëndimorë.

Shumë herë themi se kemi verpruar në një mënyrë të caktuar sepse na ka udhëhequr intuita.Në të vërtetë, intuita konceptohet nga ne si rezultat i disa përvojave të kaluara në jetën tonë.Mësimet e marra prej tyre shërbejnë si udhëzues për vendime të ndryshme që marrim në jetë. Instinkti shpesh keqinterpretohet si intuitë.

Intuita është psherëtima që vjen nga mbrenda nesh.Duke dëgjuar dhe besuar në atë çka na thotë vetja, mund të arrijmë të gjejmë qetësinë dhe zgjidhjen e shumë problemeve.Në këtë mënyrë, intuita na ndihmon të dalim në përfundime të vërteta dhe të bëjmë më të mirën për veten e të tjerët.