Paqja ☮️

Përshëndetje!!! Një tjetër shkrim i ri në blog 🙂

Paqja është një prej koncepteve më të vjetra në të gjithë botën.Kjo fjalë, që nënkupton një gjendje qetësie, pa luftë, është shumë e rëndësishme në përshkrimet tona.Paqja, nga latinishtja pax, do të thotë marrëveshje, qetësi, mungesë armiqësie.

Gjetja e paqes, kësaj gjendjeje ekuilibri të vështirë për t`u arritur por shumë të dëshiruar, konsiderohet si një ndër çështjet më të rëndësishme të planetit.Gjithashtu, mbrojtja e paqes është domosdoshmëri e kohës që jetojmë.

Në aspektin filozofik, paqja merr kuptimin e një situate plot harmoni, e cila nuk arrihet vetëm nga gjendja natyrore, por është pika më e lartë e politikës si mekanizëm.Njëkohësisht, paqja shihet si mbajtëse e balancave në shoqëri dhe e zgjidhjes së problemeve nëpërmjet dialogut.

Gandhi është një promovuesit më të njohur të këtij koncepti.Sipas tij, vetëm duke u përpjekur të gjithë së bashku mund të arrijmë paqe.Ndërsa sipas Nënë Terezës: “Paqja fillon më një buzëqeshje..”

Në këtë 21 shtator, si Dita Ndërkombëtare e Paqes, një nga mesazhet më të rëndësishmë që duhet të përçojmë është: Paqja është si një process i përditshëm, që mund të arrihet çdo ditë nga pak.

☮️