Tirana

Përshëndetje! Një tjetër shkrim në blog 🙂

Më një histori që nga periudha e paleolitit dhe rëndësi deri në ditët e sotme, në Shqipëri do të veçohej Tirana.Data e rëndësishme e 11 shkurtit 1920 do t`i jepte një rëndësi më të madhe Tiranës, atë të kryeqytetit.E në këto njëqind vite na dhënë shumë…

Gjatë periudhës së pushtimit fashist, Tirana u tranformua nëpërmjet planit të ri urbanistik. Gherardio Bosio ishte arkitekti italian që punoi projektet për ndryshimin e nevojshëm të Tiranës si kryeqytet.Ndërkohë, në atë periudhë, Tirana ishte pjesë e rëndësishme e ngjarjeve të luftës.

Sa i përket Tiranës në periudhën e komunizmit, ishte e përfshirë totalisht nga veprimtaria me propagandë socialiste.Zona e ndaluar e banuar nga udhëheqësit e kohës përflitet edhe sot.Gjithmonë kujtohet si një qytet me gjallëri.

Ndërsa pas vitete `90, Tirana filloi të merrte trajtën që ka edhe sot.Nën efektin e ndryshimeve të shumta është krijuar edhe perceptimi që kemi për Tiranës.Lagje të populluara, ndërtesa që shtohen çdo ditë, trafik, ndotje, kafene, janë pak nga elementët që e përshkruajnë kryeqytetin.

Sheshi Skënderbej është një nga pjesët interesante të Tiranës.Sheshi vazhdon të mbetet pikë referimi për të gjithë.Pranë tij ndodhet Muzeu Kombëtar, Bashkia e Tiranës, Xhamia e Et'hem Beut, Biblioteka Kombetare, Teatri i Operas dhe Baletit, e shumë ndërtesa të rëndësishme.

Për turistët, Tirana është një qytet i këndshëm, me njërëz të thjeshtë e komunikues, njohës të mirë të gjuhëve të huaja dhe krenarë të të qenit shqiptarë.

Ka shumë për të diskutuar për Tiranën atëherë e sot, për atë çka duhet të bëjnë institucionet ose drejtuesit e tyre dhe qytetarët, për të mirat dhe sfidat, por mbi të gjitha le të jetë qyteti që bashkon  të gjithë shqiptarët.

🇦🇱

.
.
.
.
.
.
.
.
.
#tirana

#blog #notesofiris #irisbeqiri