Buzëkuqi

E premtja është dita për një shkrim të ri në blog.

Nga të gjitha produktet kozmetike, buzëkuqi është më i preferuari.E pamundur të mos ketë një buzëkuq në çantën e çdo femre, mbi komodinë, në sirtarin afër pasqyrës e kudo.Buzëkuqi është jo vetëm një produkt, por edhe simbol i feminilitetit.

Buzëkuqi u krijua nga gratë sumeriane rreth 5 mijë vite më parë.Përbërja përdorej edhe për faqet dhe sytë.Në Egjiptin e Lashtë, Kleopatra krijonte ngjyrën e saj duke shtypur insekte.Më pas filloi përdorimi i frutave dhe luleve të ndryshme, për ta bërë ngjyrën edhe më të këndshme.Në ditët e sotme, përbërësit janë kryesisht pigmente të ndryshme, vajra, dyll, etj.

Që nga fillimi i shekullit XIX-të, buzëkuqi është konsideruar si një element elegance në portretin e femrave.Buzëkuqi klasik është në ngjyrë të kuqe.Kjo ngjyrë simbolizon shpresë dhe forcë.Buzëkuqi është një symbol i feminilitetit.

Adhurimi për buzëkuqin fillon që në fëmijëri e nuk mbaron.Të gjitha vajzat kujtojnë kohën kur përdornin buzëkuqin e mamit.Mund të zgjedhim nga shumëllojshmëritë e ngjyrave e nuancave.E për çudi, asnjë herë nuk janë të mjaftueshëm.

Veçse ndikimit në pamje, buzëkuqi ndikon edhe në aspektin psikologjik.Përdorimi i buzëkuqit rrit vetëbesimin, të bën të ndihesh më e sigurt e më bukur.Aplikimi i buzëkuqit është një veprim fuqizues.Buzëkuqi, një përpbërje me ngjyrë, në një mbajtëse plastike, por që në të vërtetë është i adhurueshëm.