Psikologjia e ngjyrave

                                   

E premtja është dita për një shkrim të ri në blog 🙂

Si do të ishte jeta jonë nëse nuk do të perceptonim ngjyrat? Psikologjia e ngjyrave na ndihmon për të kuptuar rëndësinë e ngjyrave në jetën tonë. Ngjyrat ndikojnë në aspekte të ndryshme të së përditshmes dhe si të tilla, le të kuptojmë më tepër për këtë temë nëpërmjet këtij shkrimi në blog.

Ngjyra është një formë e komunikimit joverbal.Ato kanë aftësinë të shkaktojnë emocione të ndryshme te njeriu.Sa herë jemi ndikuar nga ngjyrat për të zgjedhur veshje, për dekorin e shtëpisë apo në biznes?Le të njihemi me simbolikën e ngjyrave:

E bardha -  Ngjyra e qetësisë, paqes dhe thjeshtësisë.Njëkohësisht ka kuptimin e minimalizmit e perfeksionit.

E zeza – Mbart kuptimin e seriozitetit, sofistikimit.Gjithashtu, ka kuptimin e misterit dhe elegancës.

Ngjyra e kuqe - Një ngjyrë që tërheq gjithmonë vëmendjen.Simbolizon forcën, energjinë, vetëbesimin, entuziasmin.

Ngjyra blu – Për besueshmërinë, komunikimin dhe si ngjyrë e detit e qiellit, ka kuptimin e qetësisë.

E verdha- Shfaq optimizëm, gjallëri, lumturi.Një ngjyrë që përfaqëson diellin dhe ka efekt shumë pozitiv.

Ngjyra portokalli - Tregon kreativitet, aventurë, energji rinore.Është një nga ngjyrat më pak të përdorshme.

Jeshilja –Ngjyra që tregon natyralitet, jetë, shpresë.Gjithashtu është ngjyra e parasë dhe prestigjit.

Ngjyra rozë – Ka kuptimin e delikatesës dhe feminilitetit.Një nga ngjyrat më të preferuara të femrave, por njëkohësisht simbolizon freski, emocione, butësi, ëmbëlsi.

Ngjyra lejla – Ngjyra e madhështisë, misterit dhe mbretërimit.

Ngjyrat që preferojmë janë të lidhura edhe me personalitetin tonë.Duke u bazuar në shpjegimet e mësipërme mund të kutojmë më shumë për veten.Ndërsa vetë ne, e jetojmë jetën me ngjyra.