Parfumi

Një tjetër shkrim në blog 🙂

Në një shishe të vogël prej qelqi, në ngjyrë të lehtë e i krijuar bukur: parfumi.Mjafton një aplikim për të ndjerë aromën e përzgjedhur.Ashtu si një unazë ose varëse e bukur, parfumi është një aksesor i rëndësishëm.

Në përditshmëri, në një takim, mbledhje, punë, festë, etj, parfumi është gjithmonë i pranishëm.Nëpërmjet parfumit mund të kuptojmë shumë për përsonalitetin e një njeriu.Parfumi “përshkruan” natyrën tonë.Për këtë arsye është një zgjedhje personale.  

Veçse si aromë, ka edhe arsye të tjera për të përdorur parfumin:

Si terapi: Parfumet krijohen nga përzierja e disa  përbërjeve, vajërave esencialë, myshk, lule ose fruta.Aroma e krijuar shërben edhe si terapi sepse qetësojnë mendjen dhe trupin.

Vetëbesim: Mbajtja e një shisheje parfumi në çantë është një veprim fare i zakonshëm.Në këtë mënyrë mund të përdoret në momente të caktuara.Thjeshtë ideja se me vete kemi parfumin e preferuar dhe mund ta përdorim na shton vetëbesimin.

Kujtesa: Parfumi është aktivizues i mendjes.Nëpërmjet tij mund të kujtojmë momente të ndryshme të jetës sonë.

Për shëndetin: Parfumi ndihmon në përmirësimin e humorit dhe uljen e stresit.Sekreti fshihet në vetë esencën përbërëse.

Parfumi është krijuar rreth 1250 vite para erës sonë, nga kimisti Tapputi në Mesopotami.Më pas u prodhuan kudo në botë.Për të përdoreshin trëndaafilë e lule të ndryshme, erëza, bajame, koriandër, etj.Parfumet kategorizohen sipas përqindjes së përbërjes aromatike.Llojet e pafundme të krijuara deri më tani na mundësojmë të zgjedhim parfumin tonë të preferuar.

“Nuk e përballoj kurrë ditën pa parfum”-E.Taylor

Shkrime të tjera✍️ https://notesofiris.blogspot.com/