Aktivitete verore në shtëpi

Një tjetër shkrim në blog🙂

Një nga arsyet që na bën të duam stinën e verës është mundësia për të pasur më shumë kohë për të pushuar.Veç plazhit e shëtitjeve në bregdet, mund të shijojmë fundjavën edhe në shtëpi.Të ndodhur në një periudhë pandemie, me shumë rregulla e kufizime, mund të kalojmë kohën bukur edhe në ambjentin e shtëpisë.Le të marrim disa ide aktivitetesh verore në shtëpi.

Dita fillon në mënyrë të mrekullueshme, falë rrezeve të diellit që i afrohen dritares.Një zgjim i këndshëm!Më pas, dita mund të vijojë me një filxhan kafeje.

Limonatat e bëra vetë janë gjithmonë të shijshme.Në këtë mënyrë jo vetëm kalojmë pasditen, por edhe shtojmë kujdesin ndaj shëndetit.

Filmat që kanë si temë kryesore verën janë të pafundëm.Një listë të tyre mund ta krijojmë lehtësisht duke kërkuar në internet.Janë filma që na bëjnë të udhëtojmë.

Një tjetër ide e këndshme është edhe mbjellja e erëzave.Nuk kërkohet asnjë aftësi kopshtarie.Mjafton të zgjedhin disa nga erëzat tona të preferuara.Në këtë mënyrë ndikojmë për mirë te natyra, portofoli dhe entuziasmi jonë.

Kujdesi ndaj shtëpisë është i domosdoshëm në çdo stinë të vitit.Në verë kemi arsyen për të bërë edhe ndryshime të vogla.Do të ishtë mirë të shtonim disa aksesorë më ngjyra, vazo me lule ose fotografi të reja.

Më shumë kohë do të thotë më shumë libra.Gjatë verës mund të lexojmë më tepër, nga autorët e preferuar, por edhe libra të rinj.

Më shumë fotografi.Momente nga e përditshmja kujtohen më bukur me ndihmën e aparatit fotografik.

 Pavarësisht këtyre sugjerimeve, secili nga ne mund të gjejë mënyrë për të kaluar kohë në shtëpi.Falë aktiviteteve verore kjo stinë bëhet më e bukur.

Shkrime të tjera✍️https://notesofiris.blogspot.com/