Ngjarjet e një jave

E premtja është dita për një shkrim të ri në blog🙂

Kjo javë ka qenë e ngjeshur me zhvillime politike, ekonomike, në Shqipëri e në botë.Ngjarjet politike e sociale kanë mbizotëruar.Në këtë shkrim në blog do të lexoni një përmbledhje të ngjarjeve kryesore të kësaj jave.

👉Ngjarja e 25 majit në Minnesota të SHBA-ve vazhdon të bëjë bujë. Një 46-të vjeçar me ngjyrë humbi jetën nga asfiksia që i krijoi mbajtja e gjurit në fytin e tij nga polici.Pas kësaj, demonstratat dhe protestat nuk kanë pushuar.Prej më shumë se dhjetë ditesh miliona protestues amerikanë protestojnë kundër rracizmit, për drejtësi nga George Floyd.Protestat e dhunshme kanë sjellë edhe reagimin e presidentit Trump, i cili i konsideron protestuesit terroristë.

👉Edhe në Tiranë janë zhvilluar protesta.Qytetarë, aktivistë, politikanë, gazetarë,etj, janë bashkuar në sheshin Nënë Tereza për të marshuar.Një protestë kundër dhunës, për forcimin e dënimit të abuzimit ndaj të miturve, reagim qytetar dhe institucional.

👉Pas disa takimesh është arritur një marrëveshje për reformën zgjedhore.Sot pasdite u arrit edhe dakordësia për administrimin e zgjedhjeve.Kjo marrëveshje është vlerësuar edhe nga ndërkombëtarët.

👉Avdullah Hoti është zyrtarisht kryeministri i ri i Kosovës.Ai u votua nga Kuvendi i Kosovës me 61 vota.Ish-kryeministri Kurti nuk pranoi të bëjë dorëzimin ceremonial të detyrës.Për qeverinë e re ka pasur shumë kundërshtime nga partitë opozitare.Gjithashtu, zemërim shprehën edhe qytetarët nëpërmjet protestave para Kuvendit.

👉Në Maqedoninë e Veriut, në datën 5 korrik do të mbahen zgjedhjet.Pandemia ishte arsyeja që shtyu zgjedhjet e 12 prillit.Ndërkohë, javën e fundit është vënë re një rritje e ndjeshme e rasteve me Covid-19, gjë që ka shtuar frikën dhe masat shtrënguese.

👉Sa i përket sportit në Shqipëri dhe botë: Pas 3 muajsh ndërprerje nga pandemia kanë rifilluar ndeshjet.Java e 27-të u hap me ndeshjen Partizani-Skënderbeu.Edhe kampionatet europiane kanë rifilluar.

👉Në shtete të ndryshme europiane vazhdon përditësimi për situatën e krijuar nga pandemia.Vendet e BE-së do të jenë të mbyllura deri në datën 15 qershor.Tashmë, më rëndësi është orientimi i ekonomisë për rimëkëmbje, por edhe turizmi.

👉Prodhuesi amerikan i raketave e satelitëve  “Space X”  ka dërguar në hapësirë 60 satelitë.

🌐

Shkrime të tjera✍️ https://notesofiris.blogspot.com/