1-8 gusht: Ngjarjet e javës

 Një tjetër shkrim në blog🙂

Java e parë e muajit gusht, si zakonisht më e qetë sa i përket politikës, por ka pasur disa zhvillime në vend e botë.Mbizotërojnë lajmet nga ekonomia, aktualiteti, rajoni dhe bota.Në këtë shkrim në blog do të lexoni një përmbledhje të ngjarjeve kryesore të kësaj jave:

Ekonomia shqiptare është dëmtuar ndjeshëm nga pandemia e koronavirusit.Ky fakt është deklaruar edhe nga Guvernatori i Bankës së Shqipërisë, sipas të cilit, në këtë periudhë do të vërehet rritje e papunësië dhe e borxhit.Ndikimi negative është jo vetëm në nivel makro, por edhe në biznese dhe familje.

Qeveria e Kosovës, nëpërmjet një mbledhjeje online, miratoi ndarjen e një pakete tjetër të rimëkëmbjes ekonomike për shkak të pandemisë.Shuma e miratuar është 95.2 milion euro.

President i Serbisë, A.Vuçiç, ka bërë publike datën e vendosur për vazhdimin e dialogut me Kosovën.Në 7 shtator, në Bruksel, do të kerkohet bisedimi për çështje konkrete.

Greqia dhe Turqia pritet të zgjidhin shumë shpejt mosmarrëveshtjet për shfrytëzimin e detit Egje.Tensionet mes dy vendeve janë shtuar nga kërkimet për naftë e gaz në ishujt grekë.

Në Itali, masat për parandalimin e pandemisë janë zgjatur deri në 7 shtator.Kryeministri Konte theksoi rëndësinë e zbatimit të rregullave dhe rritjes së vigjilencës.

Amerika Latine dhe e Jugut janë zyrtarisht vendet epiqendër të pandëmisë.Në këto shtete, shifrat rekord tregojnë qartë numrin e lartë të viktimave dhe të infektuarve.

Një shpërthim i fuqishëm në Beirut tronditi Libanin dhe gjithë botën në 4 gusht.U regjistruan mbi 150 viktima e 6000 të plagosur.Pjesa më e madhe e qytetit është shkatërruar.Gjithë bota ka shprehur solidaritet.

President Trump ka kërkuar ndalimin e dy aplikacioneve kineze, TikTok dhe Ëechat.Sipas tij, këto aplikacione janë me rrezik sepse regjistrojnë të dhëna personale dhe shërbejnë si mjet propagande nga Partia Komuniste Kineze.

Ish-mbreti i Spanjës, Juan Carlos I ka njoftuar largimin nga shteti spanjoll.Pasi abdikoi në 2014, vazhdimisht në media po përflitej për skandale çështjesh të paligjshme.Ka zgjedhur të jetojë në Dubai, ndërkohë Spanja ka si mbret të birin Felipe VI.

Ndeshjet e kampionatit europian tanimë duhet zhvillon sipas disa rregullave: maska në ambjentet e mbyllura dhe udhëtime, kontroll i lojëtarëve.Mosrespektimi i udhëzimeve mund të çojë në pezullim të ndeshjeve.

 Shkrime të tjera ✍️https://notesofiris.blogspot.com/