Të gjitha të rejat për vaksinën e Covid-19

 

Një tjetër shkrim në blog 🙂

Një nga lajmet më pozitive të ditëve të fundit lidhet me vaksinën e shumëpritur për Covid-19. Përgatitja për këtë hap të rëndësishëm ka nisur prej shumë muajsh. Tanimë e gjithë bota është në pritje.

Pse na nevojitet vaksina? Një virus si Covid-19 përhapet dhe rrezikon pjesën më të madhe të popullsisë. Nuk mjaftojnë vetëm masat parandaluese. Vaksina është e rëndësishme sepse ndihmon në sistemin imunitar të çdo njeriu, e si rrjedhojë jemi më të mbrojtur.

Ekzistenca e virusit SARS në 2003 dhe sindromit MERS në 2012 (e përhapur në Arabinë Saudite nga kontakti me devetë) i ka ndihmuar shkencëtarët sepse janë shumë të ngjashëm me virusin aktual. Për këtë arsye ishte e mundur pasja e një informacioni fillestar dhe vijimi i punës për vaksinën.  

Deri më tani, disa kompani kanë punuar për të prodhuar një vaksinë që mbron në përqindje të lartë, pa efekte anësore dhe sa më të shpejtë në prodhim.Çmimet e tyre do te jenë të ndryshme. Injektimi do të bëhet me dy doza.

Vaksina nga Pfizer-BioNtech: Një prodhim gjermano-amerikan i shumëpërfolur. Sipas të dhënave të publikuara, kjo vaksinë mbron në masën 90%-95%. Dozat duhet të jepen çdo tre javë. Deri më tani, është testuar në 43 mijë njerëz dhe nuk ka krijuar probleme. Duhet të ruhet në temperaturën -70°C.

 Vaksina nga Moderna: Është një vaksinë amerikane dhe mbron deri në 95%. Dozat duhet të jepen çdo katër javë. Janë testuar 30 mijë njerëz. Ruhet në -20°C deri në gjashtë muaj.

Vaksina nga Universiteti i Oksfordit-AstraZeneca: Një vaksinë angleze, që mbron deri në 70%. U testua te 20 mijë vullnetarë. Ruajtja është shumë e lehtë.

Vaksina të tjera:

Sputnik V (Gamaleya): Është vaksinë e krijuar në Rusi. Thuhet se mbron deri në 92%. Për këtë vaksinë ka pasur shumë kritika nga vendet perëndimore.

Janssen: Një vaksinë belge, që është testuar në 30 mijë persona në të gjithë botën.

Vaksina kineze e Sinopharm: Sipas lajmeve, kjo vaksinë është injektuar te 1 milion njerëz. Kompania po punon për ta nxjerrë në treg.

Vaksina e Covid-19 do të ndihmojë shumë Europën sepse kontinenti ynë ishte ndër më të prekurit. Pritet që në fund të vitit të vaksinohen personat e parë europianë. Katër muajt e parë të vitit të ardhshëm do të jenë shumë të rendësishëm në këtë proces.

Shkrime të tjera ✍️  https://notesofiris.blogspot.com/