Stil me ngjyrat e vitit

 

E premtja është dita për një shkrim të ri në blog 🙂

Çdo dhjetor, Instituti i Ngjyrave Pantone publikon trendet e ngjyrave për vitin e ri. Kjo kompani, me qendër në New Jersey, është shumë e njohur për këtë njoftim të përvitshëm. Për 2021-in u përzgjodhën  dy ngjyra: e verdha e ndritshme dhe ngjyra gri.

Ngjyra e verdhë u përshkrua si “ një ngjyrë e fortë dhe e gëzueshme, që shndrit nga gjallëria, nuancë e ngrohtë si energjia diellore”. Ngjyra gri e këtij viti u përshkrua “si simbolikë e elementëve të fortë e të qendrueshëm”. Kombinimi i dy ngjyrave u përshkrua si “shprehëse e pozitivitetit e ndihmuar nga guximi”.

E verdha është ngjyra e energjisë dhe e gjejmë në mënyra e nuanca të ndryshme. Grija është më e përdorshme dhe më neutrale. Së bashku mund të krijojnë një bashkim të këndshëm që sjell gëzim e qetësi.

Si mund të përdoren ngjyrat e vitit?

 Në dekorimin e shtëpisë:

Dy ngjyrat e zgjedhura për këtë vit mund të shtohen shumë lehtë në çdo ambjent. E kush nuk do të donte pak gjallëri në shtëpi?! Në kuzhinë, dhoma apo edhe zyrë, mund të zgjidhen elemente dekori në të verdhë të ndritshme ose gri. Mund të fillohet me aksesorë si jastëk, abazhur, mbuleseë e deri te lyerja e një pjesë të murit në një nga këto ngjyra.

Në veshje dhe aksesorë:

Zgjedhja bëhet në varësi në preferencës së këtyre ngjyrave. Veç veshjes njëngjyrëshe,  mund të përdorim një shall, këpucë, çantë në ngjyrën e verdhë ose gri. Këto ngjyra kombinohen shumë bukur me plot nuanca të tjera.

Ngjyrat e vitit do t`i shohim në shumë produkte kozmetike për sytë dhe thonjtë.

 

Shkrime të tjera  ✍️  https://notesofiris.blogspot.com/